An Gníomh Eorpach Inrochtaineachta 

Gnólachtaí a sholáthraíonn seirbhísí faoi raon feidhme, ní mór dóibh an méid seo a leanas a dhéanamh:

• Faisnéis a chur ar fáil maidir leis an gcaoi ina bhfuil an tseirbhís inrochtanaIs gá é seo a dhéanamh i bhformáid scríofa agus i bhformáid ó bhéal, ar bhealach atá inrochtana do dhaoine faoi mhíchumas.
• Ba cheart an fhaisnéis seo a áireamh sna téarmaí agus coinníollacha ginearálta, nó in aon doiciméad comhionann.A chinntiú go ndéantar gach suíomh gréasáin, aip, agus seirbhís mhóibíleach a fhorbairt ar bhealach:
  • inar féidir le tomhaltóirí an t-ábhar a bhrath (a fheiceáil nó a chloisint)
  • inar féidir le tomhaltóirí iad a oibriú agus a nascleanúintina mbeidh sé éasca an t-ábhar a tuiscint
  • ina mbeidh an teicneolaíocht iontaofa
  • ina n-oibreoidh sí ar ardáin agus ar ghléasanna éagsúla.

 

Ní mór do ghnólachtaí faoi raon feidhme faisnéis shoiléir, intuigthe a chur ar fáil maidir leis an méid seo a leanas:

• An chaoi ina n-oibríonn seirbhís
• An chaoi ina bhfuil na táirgí a úsáidtear sa tseirbhís nasctha léi
• Cé chomh hinrochtana is atá na táirgí sin
• Cibé acu an oibríonn na táirgí le gléasanna cúnta (amhail léitheoirí scáileáin nó taispeáintí braille)

Maidir leis an bhfaisnéis sin:

• Is gá go gcuirfear ar fáil í i bhformáidí iomadúla - amhail téacs, fuaim, nó fís - sa chaoi go mbeidh daoine a bhfuil riachtanais éagsúla acu ábalta rochtain a fháil uirthi
• Is gá go mbeidh sí sothuigthe – úsáidtear teanga shimplí agus seachnaítear béarlagair Inbhraite  – sa chaoi go mbeidh tomhaltóirí ábalta í a fheiceáil nó a chloisint go soiléir
• Is gá go gcuirfear ar fáil í i bhformáidí téacs sa chaoi go mbeidh daoine ábalta í a thiontú go héasca chuig formáidí eile - amhail braille, cló mór, nó fuaim
• Is gá go gcuirfear í i láthair i gcló atá sách mór chun go mbeidh tomhaltóirí ábalta í a léamh go héasca i dtimpeallachtaí éagsúla 
• Is gá go gcuirfear ar fáil í le cur síos téacs nó fuaime má úsáidtear íomhánna, físeáin, nó ábhar neamhthéacs eileIs gá go mbeidh sí deartha ar chaoi go mbeidh sé éasca í a fheiceáil, a nascleanúint, agus a thuiscint, agus go n-oibreoidh sí go seasmhach ar ghléasanna éagsúla. 

• I gcás ina n-úsáideann gnólacht táirgí chun seirbhís a chur ar fáil, is gá go mbeidh na táirgí sin deartha ar bhealach go mbeidh daoine faoi mhíchumas in ann iad a úsáid go héasca.
  
  

Gnólachtaí a chuireann seirbhísí tacaíochta ar fáil (amhail ionad glaonna, deasc chabhrach, nó tacaíocht theicniúil), ní mór dóibh an méid seo a leanas a dhéanamh:

• A chinntiú gur féidir le tomhaltóirí teagmháil a dhéanamh leo ar bhealaí inrochtana (e.g.  bealach eile seachas an fón i gcás daoine atá bodhar nó nach bhfuil an éisteacht go maith acu)
• Faisnéis a thabhairt maidir le cé chomh hinrochtana is atá a gcuid seirbhísí
• Mínigh conas a oibríonn a gcuid seirbhísí le teicneolaíocht chúnta (amhail léitheoirí scáileáin nó áiseanna éisteachta)
  

Tá Banc Ceannais na hÉireann freagrach as maoirsiú a dhéanamh ar ghnólachtaí a chuireann seirbhísí baincéireachta ar fáil do thomhaltóirí. Dá bhrí sin, faoi EAA, agus i ndáil le seirbhísí baincéireachta do thomhaltóirí, táimid freagrach as an méid seo a leanas:

• Comhlíonadh na rialachán a mhaoirsiú - a chinntiú go mbíonn ceanglais inrochtaineachta EAA á leanúint ag institiúidí creidmheasa, soláthraithe íocaíochta, agus gnólachtaí airgeadais eile 
• Caighdeáin a fhorfheidhmiú - gníomhaíocht a ghlacadh má mhainníonn gnólachtaí oibleagáidí inrochtaineachta a chomhlíonadh
• Faisnéis a thabhairt do thomhaltóirí trínár suíomh gréasáin maidir lenár ról i leith EAA.
  
  Tugtar éifeacht do EAA i ndlí na hÉireann le Rialacháin an Aontais Eorpaigh (Ceanglais Inrochtaineachta maidir le Táirgí agus Seirbhísí) 2023 (Rialacháin EAA) (I.R. Uimh. 636 de 2023). Is í an Roinn Leanaí, Comhionannais, Míchumais, Lánpháirtíochta agus Óige atá freagrach as cur chun feidhme náisiúnta EAA.